НАЎЗДАГОН ЗА МОДАЮ
Опубликовал: Admin
7-10-2020, 04:20
Просмотров: 523
Комментарии: 0
Нехта кажа, што я ў цэлым
Устарэў душой і целам:
Не прыстаў мне модны стыль,
I пара мяне ў утыль.

Хто ж дыктуе стыль той модны?
Ну вядома — «свет свабодны».
Хто не хіліцца да мод,
Той як быццам ідыёт.

Што ж рабіць мне — «ідыёту»?
Трэба брацца за работу,
Каб ніхто не мог пакпіць.
I работа ўжо кіпіць.

Каб трымаць на ўзроўні марку,
Грыву адпусціў на карку
Я з апошніх валасоў
На тарзанаўскі фасон.

Каб адсталым не памерці,
I ў мастацтве на тры чвэрці
Скінуў я стары свой груз,—
Памяняў на новы густ.

Што мне Моцарты і Глінкі!
Я не бачу ў іх жывінкі
I аддаў бы ўсіх зараз
За адзін сучасны джаз.

Як прыйшлося да гаворкі,
Дык і Горкі мне — не Горкі,
I праслаўлены Талстой
Леў зусім ужо не той.

Я засунуў іх пад лаўку
I чытаю толькі Кафку,
А часцей яшчэ Камю,
Што падобны на Кюзьмю.

Для хутчэйшага прагрэсу
Ўзяўся я за антып'есу
I рубаю з-за пляча
Твор для антыгледача.

1971
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо войти на сайт под своим именем.
Другие новости по теме:
Информация
Посетители, находящиеся в группе Гости, не могут оставлять комментарии к данной публикации.