З ТЫСЯЧНЫМ НУМАРАМ
Опубликовал: Admin
7-10-2020, 04:20
Просмотров: 334
Комментарии: 0
Пажадаю жыць газеце
Тысяч тры гадоў на свеце
I не страціць добры гумар,
Святкаваць мільённы нумар,
Каб і я з мільён і першым
Прывітаў патомкаў вершам.
Каб рэдакцыя шаноўна
Матэр'ялу мела поўна,
А для «лішняга» прыпыну
Мела большую карзіну;
Пажадаю пры астачы
Зачыніць «Куток дзіцячы»...
Выпускаючы каб дату
Помніў так, як свайго тату,
А карэктару — чатыры
Вочы вытарашчыць шырай,
Не прыйшлося каб ніколі
Замест «волі» чытаць «болі».
Ўсім падпісчыкам вясковым
Ужываць прасцейшай мовы
I за месяц ганарару
Атрымаць рублёў хоць пару,
На бутэлечку чарніла
I па пер'я каб хапіла,
I пісаць (не лішне, ў меру)
На адным баку паперы.
Вось мае тут пажаданні
Выліў я ўжо ўсе дазвання,
А з каго мо не даволі,—
Хай жадае сабе болей.

1924
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо войти на сайт под своим именем.
Другие новости по теме:
Информация
Посетители, находящиеся в группе Гости, не могут оставлять комментарии к данной публикации.