ВАГОН ТАБАКІ
Опубликовал: Admin
7-10-2020, 04:20
Просмотров: 353
Комментарии: 0
Каласіцца на палетку
Жыта ды пшаніца;
Так на ўзмежку добра ўлетку
Пад іх шэпты спіцца.

Аграном сніць сон прыгожы,
Але той парою
Наваліліся на збожжа
Чэрві з машкарою.

Збожжа буйна зелянела,
Ды пасля пасохла;
Машкара, што збожжа ела,
З маразоў падохла.

Ветры ў коміне скуголяць,
Ліст пажоўклы круцяць;
Аграном Гавака ў полі
Шкоднікаў патруціць.

Хоць ты шуфлем снег адгортай,
Змёрз, дрыжыць сабака;
Тут вагон табакі цёртай
Выпісаў Гавака.

Спіць прырода нежывая
Пад абрусам мяккім:
Сам Гавака спажывае
Той вагон табакі.

Рэзкі сівер падыхае,
Да касцей праймае;
Аграном Гавака чхае
I турбот не мае.

Так з Гавакавай вось ласкі
Знойдзен спосаб новы:
Чхае ён на абавязкі
I на пастановы.

1930
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо войти на сайт под своим именем.
Другие новости по теме:
Информация
Посетители, находящиеся в группе Гости, не могут оставлять комментарии к данной публикации.